ЛЮКСЭМБУРГ
Эўразьвяз накіроўвае дыпляматычную місыю ва Ўзбэкістан, Туркмэністан і Таджыкістан з мэтай усталяваньня новых шляхоў гуманітарнай і эканамічнай дапамогі і змаганьня з тэрарызмам. На чале дэлегацыі стаіць Луіс Мішэль, міністр замежных справаў Бэльгіі, якая цяпер старшынствуе ў Эўразьвязе. Мішэль таксама плянуе абмеркаваць з лідэрамі сярэднеазіяцкіх краінаў праблему кантрабанды наркотыкаў.