САРАЕВА. Сёньня ў Босьніі, у сувязі з магчымай пагрозай тэрарызму, былі зачыненыя пасольствы Злучаных Штатаў і Вялікай Брытаніі. Паводле прэ-службы пасольства ЗША, зачыненымі былі таксама іншыя прадстаўніцтвы ў местах Мастар і Баня Лука. Пра дэталі пагрозаў не паведамляецца. Прадстаўніца пасольства Вялікай Брытаніі Манэўра Магініч сказала, што пагроза тэрактаў выглядае зьвязанай з ваеннай антытэрарыстычнай апэрацыяй у Афганістане.