МАСКВА
Прэзыдэнт Расеі Уладзімер Пуцін заявіў сёньня, што Расея гатовая вывесьці свае міратворчыя войскі з зоны грузіна-абхаскага канфлікту. Разам з тым Пуцін усклаў на Грузыю ўсю адказнасьць за абвастрэньне сытуацыі ў рэгіёне. Сёньня ж Прэзыдэнт Грузіі Эдуард Шэварнадзэ заклікаў да заключэньня новай міждзяржаўнай дамовы з Расеяй. Паводле ягоных словаў, новая дамова павінна лепш улічваць узаемныя інтарэсы краінаў.
Шэварнадзе зрабіў гэтую заяву пасля таго, як грузінскі парлямант прагаласаваў за неадкладны вывад расейскіх міратворчых войскаў з зоны грузіна-абхазскага канфлікту. Сёньня Рада Эўропы заклікала неадкладна спыніць ваенныя дзеяньні ў Абхазыі.