ПРАГА. Расейскі прэм’ер-міністар Міхаіл Касьянаў плянуе сёньня распачаць двухдзённы візыт у Прагу. Касьянаў правядзе перамовы з чэскім прэм’ерам Мілашам Зэманам, прэзыдэнтам Вацлавам Гаўлам і старшынём парлямэнту Пэтрам Пітгартам. Галоўным пытаньнем парадку дня перамоваў будзе сплата расейскага доўгу Чэхіі. Плянуецца, што будзе падпісанае пагадненьне пра дэталі сплаты доўгу, які складае 3 мільярды 600 мільёнаў даляраў. Сярод іншых тэмаў абмеркаваньня – супольныя прадпрыемствы ў пабудове газаправоду і ў мадэрнізацыі тэлекамунікацыйных сыстэмаў у Маскве.