ВАШЫНГТОН. Прэзыдэнт ЗША Буш у сваім штотыднёвым звароце да нацыі заявіў, што рэжым афганскіх талібаў падтрымлівае міжнародных тэрарыстаў і цісьне прстых афганскіх грамадзянаў. Ён сказаў:
Талібану дадзеная магчымасьць выдаць усіх тэрарыстаў, што хаваюцца ў Афганістане, і закрыць іх лягеры. Папярэджаньне выстаўленае і час пайшоў.
Джордж Буш падкрэсьліў, што ворагамі Амэрыкі не з’яўляюцца ані арабскія дзяржавы ці іслам, ані простыя афганцы, якія самі пакутуюць пад рэжымам талібаў. Ён сказаў:
Наш вораг – самі тэрарысты і рэжымы, што даюць ім прытулак і падтрымку. Рэжым талібаў з’яўляецца менавіта такім. Ён ператварыў Афганістан у гняздо і трэнірованы лягер міжнародных тэрарыстаў.
Заявіў прэзыдэнт ЗША Джордж Буш.