НАЗРАНЬ. Афіцыйны прадстаўнік прамаскоўскай чэчэнскай адміністрацыі паведаміў, што за апошнія 24 гадзіны было забіта як найменей восем расейскіх вайскоўцаў і больш за дваццаць былі параненыя. Прадстаўнік, які пажадаў застацца неназваным, сказаў, што гэтыя страты былі нанесеныя ў выніку мінных выбухаў і збройных налётаў у розных частках краю, у тым ліку ў сталіцы Грозным. Тым часам расейская артылерыя працягвала абстрэл пазыцыяў чэчэнскіх ваяўнікоў у горных раёнах на поўдні Чэчэніі.