ВАШЫНГТОН. Улады Злучаных Штатаў апублікавалі здымкі 19 чалавек, падазраваных у захопе чатырох пасажырскіх самалётаў і выкананьні тэрарыстычных нападаў 11 верасьня. Як паведаміў дырэктар ФБР Робэрт Мюлер, расьсьледаваньне выявіла сувязь некаторых падазраваных з тэрарыстычнай арганізацыяй «Аль Ка’іда», якой кіруе Усама бін Лядэн. Здымкі і імёны падазраваных былі пададзеныя да шырокага ведама з мэтай сабраць дадатковую інфармацыю пра тэрарыстаў.