МАСКВА. Сёньня ў Маскве для абмеркаваньня антытэрарыстычных захадаў зьбярэцца на паседжаньне рада кіраўнікоў урадаў краінаў СНД. Паводле агенцтва ІТАР-ТАС, на сустрэчы плянуецца прыняць запрапанаваную Расеяй антытэрарыстычную дэклярацыю. У парадку дня стаіць таксама пытаньне фінансаваньня ў 2002 годзе антытэрарыстычнага цэнтру краінаў СНД, а таксама фінансаваньне супольнай супрацьпаветранай абароны. На сустрэчы зьбіраецца выступіць прэзыдэнт Расеі Ўладзімір Пуцін.