КАБУЛ. Найвышэйшы кіраўнік афганскага руху Талібан Мула Мухамад Амар заклікаў сёньня афганцаў, якія пакінулі сваё жытло, вярнуцца дадому, і заявіў, што пагроза амэрыканскага ўдару зьменшылася. За апошні тыдзень сотні тысячаў афганцаў пакінулі свае дамы, баючыся амэрыканскага ваеннага ўдару, і скіраваліся ў сельскую мясцовасьць або ў суседнія краіны. Амар выступіў з гэтай заявай пасьля камэнтароў кіраўніцтва Злучаных Штатаў пра тое, што ня варта чакаць масіўнай атакі на Афганістан або ўводу туды войскаў.