ТЭГЭРАН. Духоўны лідэр Ірану аятала Алі Хамэнэі заявіў сёньня, што ягоная краіна Іран ня будзе дапамагаць ЗША і іх саюзнікам ў правядзеньні антытэрарыстычнай апэрацыі ў Афганістане. Хамэнэі назваў палітыку ЗША “пыхліваю” і “імпэрыялістычнаю”.
Сёньня дэлегацыя Эўразьвязу абмяркоўвала ў Тэгеране зь іранскім кіраўніцтвам магчымасьці ўзаемадзеяньня ў барацьбе зь міжнародным тэрарызмам. Міністар замежных справаў Ірану Харазі заявіў пасьля перамоваў, што Тэгеран гатовы да супрацоўніцтва з эўрапэйскімі краінамі, але толькі ў межах статуту ААН.