ВАШЫНГТОН. Чакаецца, што сёньня Гэнэральны сакратар ААН Кофі Анан зробіць заяву пра тое, якую ролю павінна ўзяць на сябе Арганізацыя Аб’яднаных Нацыяў пасьля тэрактаў. Тым часам афганскі пасол у ААН Фрэнсіс Вэндрэл сустрэўся з былым каралём Афганістану ў пытаньні фрмаваньня блёку афганскіх плямёнаў, які прызнала б усясьветае супольнасьць. Пасьля сустрэчы Вэндрал заявіў:
“Кароль сказаў мне, што ён хацеў бы быць з афганскім народам у гэты цяжкі для Афганістану час”.
Сёньня ж эўрапэйскія лідары пачынаюць візыты ў мусульманскія краіны, у спробе пераканаць іхных лідараў узяць актыўны ўдзел у антытэрарыстычнай кампаніі. Тым часам міністар замежных справаў Вялікай Брытаніі пачынае двух-дзённы візыт у Іран, а дэлегацыя Эўрапэйскага Зьвязу у межах паездкі па шасьці краінах сёньня наведае Пакістан.