АБУ ДАБІ. Сёньня Аб’яднаныя Арабскія Эміраты перарвалі дыпляматычныя адносіны з афганскім рухам Талібан. Прадстаўнік міністэрства замежных справаў краіны заявіў, што пастанова была прынятая пасьля адмовы талібаў выдаць Усаму бін Ладэна, якога Злучаныя Штаты лічаць асноўным падазроным у арганізацыі тэрарыстычных актаў 11 верасьня ў Ню-Ёрку і Вашынгтоне. Аб’яднаныя Арабскія Эміраты былі адной з трох краінаў, якія падтрымлівалі дыпляматычныя зносіны з Талібанам.