БРУСЭЛЬ. НАТАўскія саюзьнікі ЗША, у часе сустрэчы з прадстаўніком дзяржаўнага сакратара Злучаных Штатаў Рычардам Армтагам паўтарылі пра сваю гатовасьць дапамагчы ЗША ў іхнай барацьбе з тэрарызмам. Гэнэральны сакратар НАТА Джордж Робэртсан сказаў: “Кожны з сяброў НАТА, які ўклаў свой даробак у абмеркаваньне гэтай праблемы, выказаў непахіснасьць салідарнасьці краінаў супольнасьці са Злучанымі Штатамі ў гэты цяжкі час”. У сваю чаргу Рычард Армтаг заявіў, што ён не зьвяртаўся да сяброў супольнасьці па ваенную, ці якую іншую дапамогу і не падаў ніякіх падрабязнасьцяў НАТАўскай падтрымкі.