ВАШЫНГТОН. Прэзыдэнт Злучаных Штатаў Джордж Буш заявіў, што ў загадах, аддадзеных учора ізраільскім і палестынскім лідэрамі, ён бачыць “праменьчык надзеі” на тое, што блізкаўсходняя напружанасьць будзе спыненая.
Палестынскі лідэр Ясэр Арафат учора загадаў сваім сілам бясьпекі спыніць агонь. Прэм”ер-міністар Ізраілю Арыэль Шарон загадаў ізраільскаму войску спыніць атакі і выйсьці з палестынскіх тэрыторыяў.
Буш ахарактыразаваў гэтыя зрухі як “вельмі пазытыўныя”. На ягоную думку, ізраільцы і палестынцы маюць магчымасьць вярнуцца да дыялёгу.
ЗША робяць высілкі на ўключэньне ўрадаў арабскіх краінаў у глябальны альянс супраць міжнароднага тэрарызму.