НЬЮ-ЁРК. Прадстаўнікі рэгіянальных групаў Арганізацыі Аб’еднаных Нацыяў вырашылі адкласьці сёлетнюю генэральную асамблею ААН у сувязі зь нядаўнімі тэрарыстычнымі нападамі на Нью-Ёрк. Цяпер вызначаецца новая дата асамблеі, паседжаньне якой мусіла пачацца 24 верасьня. Гэта першы ў гісторыі ААН выпадак адкладу пачатку сэсіі генэральнай асамблеі, на якую звычайна зьбіраюцца кіраўнікі краінаў сьвету.