АЛМАТЫ. Расея заклікала краіны Сярэдняй Азіі скаардынаваць свае намаганьні ў барацьбе з тэрарызмам. Сакратар расейскай Рады Бясьпекі Ўладзімір Рушайла, які распачаў паездку па рэгіёне візытам у Казахстан, сказаў сёньня, што сярэднеазіяцкія краіны пагадзіліся ўзяць удзел у барацьбе з тэрарызмам. Казахстан, Таджыкістан, Кыргызстан і Ўзбэкістан афіцыйна заявілі, што яны будуць супрацоўнічаць у рамках амэрыканскай кампаніі барацьбы з тэрарызмам, аднак пакуль не вядома, якую форму будзе мець гэтая падтрымка.