НЬЮ-ЁРК. Жыхары Ню-Ёрку вяртаюцца ў будынкі фінансавага раёну, які быў зачынены пасьля тэрарыстычнай атакі на Ўсясьветны гандлёвы цэнтар. Вяртаньне запавольваецца тым, што паліцыя праводзіць ідэнтыфікацыю кожнай асобы. Узнавілі сваю працу Ню-Ёркская і Нацыянальная фондавыя біржы. Аналітыкі прагназуюць падзеньне акцыяў, але некаторыя спадзяюцца на так званую “патрыятычную закупку”, якая можа прынесьці прыбыткі рынку.