МАДРЫД. Адзін зь кіраўнікоў Эўрапэйскага Зьвязу Гаўер Саляна лічыць патрэбным стварыць міжнародную кааліцыю барацьбы з тэрарызмам. У сёньняшнім інтэрвію гішпанскай газэце “El Pais” Саляна падкрэсьліў асаблівую ролю, якую можа адыграць Арганізацыя Аб’еднаных Нацыяў у перасьледзе тэрарызму, які ня ведае межаў. У той самы час ён заклікаў не ідэнтыфікаваць нядаўныя тэрарыстычныя акты ў ЗША зь якім-кольвечы народам, культурай або рэлігіяй.