КІЕЎ. Тры тысячы дэманстрантаў выйшлі ў сыботу на вуліцы Кіева ў гадавіну зьнікненьня журналіста Георгія Гангадзэ. Удзельнікі акцыі патрабавалі адстаўкі прэзыдэнта Украіны Леаніда Кучмы. Дэманстрацыя адбылася мірна.
Апазыцыя плянуе працягнуць акцыі пратэсту ў нядзелю.
Гангадзэ – галоўны рэдактар інтэрнэт-выданьня “Украінская праўда” – зьнік 16 верасьня летась. Апазыцыя сьцьвярджае, што прэзыдэнт Кучма мае дачыненьне да ягонага зьнікненьня.