ДУРБАН. Найвышэйшы камісар ААН у праблемах правоў чалавека Мэры Робінсан сказала, што Канфэрэнцыя ААН Супраць Расізму вярнулася ў нармальнае рэчышча. Учора ўвечары Злучаныя Штаты і Ізраіль адклікалі свае дэлегацыі з канфэрэнцыі з прычыны, на іх думку, антыізраільскай скіраванасьці канфэрэнцыі. Міністар замежных справаў Паўдзённай Афрыкі сёньня склаў новы тэкст параграфу пра Блізкі Ўсход які быў бы прымальны для ўсіх удзельнікаў. Удзельнікі канфэрэнцыі плянуюць прыняць заключную дэклярацыю і праграму дзеяньняў у пятніцу.