Гаага. Міжнародны ваенны трыбунал сёньня паведаміў, што былы лідэр басьнійскіх сэрбаў Більяна Плаўшыч будзе вызваленая са зьняволеньня да пачатку судовага працэсу.
Яна будзе вызваленая ўмоўна і ёй будзе дазволена пражываць у Рэспубліцы Сэрбія.
Плаўшыч абвінавачваецца ў гэнацыдзе, злачынствах супраць чалавечнасьці і ваенных злачынствах ў сувязі з той рольлю, якую яна адыгрывала ў басьнійскай вайне 1992 – 95-га гадоў.
Судзьдзя Рычард Мэй адзначыў, што Плаўшыч будзе вызваленая ў найбліжэйшы час.
Трыбунал пакуль што не прызначыў дату працэсу над Плаўшыч, але чакаецца, што ён пачнецца на пачатку наступнага году.