Масква. Ярданія заклікала Расею адыгрываць большую ролю ў блізкаўсходнім крызысе, уключна з сытуацыяй у Іраку.
Ярданскі кароль Абдула , які знаходзіцца зь візытам у Маскве, заявіў падчас перамоваў з прэзыдэнтам Расеі Уладзімірам Пуціным, што абедзьве краіны павінны працаваць супольна ў справе рэгіянальных канфліктаў.
Пуцін заявіў, што Арабскія нацыі маюць прыкласьці больш намаганьняў дзеля разьвязаньня праблемы Іраку, які знаходзіцца ў міжнароднай ізаляцыі з 1991 году. Пуцін таксама скрытыкаваў Савудаўскую Арабію і Кувэйт за наяўнасьць на іхных тэрыторыях базаў, зь якіх брытанскія і амэрыканскія самалёты робяць патрульныя вылеты над Іракам.
У перамовах браў удзел кіраўнік Рособоронэкспорту Кірыл Белянінаў.
Учора Абдула азнаёміўся з анты-танкавай абарончай сыстэмай. Расейская прэса паведаміла, што Ярданія зацікаўленая ў куплі высока-дакладнай зброі для сухапутных войскаў.
Сёньня ў Брусэлі міністар замежных справаў Бэльгіі Луі Мішэль заклікаў Расею і ЗША зрабіць крокі дзеля таго, каб прымусіць палестынцаў і Ізраіль спыніць гвалт на Блізкім Усходзе.