Паводле дадзеных сьледзтва, спадар Ахраменя не прыняў захадаў, каб адна з менскіх камэрцыйных структураў ліквідавала сваю запазычанасьць перад фабрыкай “Элма”.
Раней супраць Аляксандра Ахрамені вылучылі абвінавачваньне ў продажы па заніжаных цэнах маёмасьці фабрыкі, дзе пазьней адчыніўся гандлёвы кірмаш.
Крымінальная справа паводле гэтага факту ў свой час была спыненая і адноўленая толькі пасьля адстаўкі старшыні Берасьцейскага аблвыканкаму Васіля Даўгалёва і ягонага першага намесьніка Эдуарда Сакалова.
Нягледзячы на заведзеныя крымінальныя справы, спадар Ахраменя працягвае кіраваць трыкатажнай фабрыкай “Элма”, дзе колькасьць працоўных апошнім часам скарацілася ўтрая.
