Лідэр Партыі БНФ Вінцук Вячорка, які ўчора быў затрыманы падчас сьвяткаваньня Дня Волі, заявіў, што ў разгоне акцыі бралі ўдзел расейскія міліцыянэры з Цьверы і Архангельска, якія прыбылі на стажыроўку ў Менск.
Паводле Вячоркі ён даведаўся пра гэта ў Цэнтральным РАУС Менску.
У прэсавай службе сталічнай управы міліцыі паведамілі, што расейскія курсанты сапраўды вучацца ў Акадэміі МУС Беларусі, аднак да аховы грамадзкага парадку 25 сакавіка яны не прыцягваліся. Прэсавая служба менскай міліцыі сьцьвярджае, што ў гэты дзень у ахове грамадзкага парадку бралі ўдзел толькі супрацоўнікі сталічнай міліцыі.
Гл. таксама
СЬВЯТКАВАНЬНЯМ У МЕНСКУ ПЕРАШКОДЗІЛІ МІЛІЦЫЯНТЫ, У ТЫМ ЛІКУ РАСЕЙСКІЯ
