Лінкі ўнівэрсальнага доступу

МОЦНЫЯ СЬНЕГАПАДЫ НА ГАРАДЗЕНШЧЫНЕ


Сяргей Астраўцоў, Горадня

Самыя вялікія страты ў гаспадарцы “Васілішкі-агра” (былы калгас Леніна), там цалкам абрынуўся дах фэрмы на дзьвесьце кароваў. Як мне паведамілі ў сельвыканкаме, жывёлу пасьпелі ўратаваць. Пабудова старая, дах —пахілы, на ім затрымаўся сьнег яшчэ зь мінулага моцнага сьнегападу. Распачаць будоўлю сёньня не было магчымасьці, у Васілішках па-ранейшаму падаў сьнег. У Смаргонскім раёне таксама давядзецца аднаўляць фэрму. У калгасах сёньня нямала старых, даўно не рамантаваных жывёлагадоўчых будынкаў.

Праўда, цяпер, пасьля заканчэньня доўгіх выхадных дзён, наступствы сьнегападаў ліквідуюць хутчэй. У сьвяты ў Гарадзенскім раёне блізка літоўскай мяжы вёскі былі адлучаныя ад электрычнасьці некалькі дзён. Трэба яшчэ дадаць, што ў мясцовых аддзелах Міністэрства надзвычайных сытуацыяў адмаўляюцца даваць зьвесткі наконт цяперашніх сьнегападаў.
Ігар Лосік Кацярына Андрэева Дар'я Чульцова Марына Золатава Ягор Марціновіч
XS
SM
MD
LG