Лінкі ўнівэрсальнага доступу

БЕЛАРУСКАМОЎНАЙ ГАЗЭТЫ НЕ НАДРУКАВАЛІ


Сяргей Астраўцоў, Горадня

Заснаваная газэта ў Лідзе, але апошнія паўгоду робіцца для мастоўскіх чытачоў. У Мастах жыве і сам рэдактар Язэп Палубятка. Паводле яго, у пятніцу падрыхтаваны нумар завезьлі ў лідзкую друкарню, але ўвечары стала вядома, што наклад не надрукаваны.

(Палубятка: ) “Яны патэлефанавалі заснавальніку газэты Прушковай і сказалі, што дамова несапраўдная, таму не друкавалі накладу. Хоць можна было, згодна з дамовай, папярэдзіць аб гэтым. Тым болей, сем месяцаў газэта выходзіла”.

Дамову з друкарняй падпісваў намесьнік рэдактара Станіслаў Суднік, які жыве ў Лідзе. Ён ня схільны пакуль драматызаваць сытуацыю. Паміж газэтамі і друкарнямі, лічыць ён, раз-пораз узьнікаюць непаразуменьні. Праўда, некалькі разоў рэдакцыя атрымлівала закіды з боку абласнога упраўленьня грамадзка-палітычнай інфармацыі — пераважна за згадваньне гэтак званых незарэгістраваных арганізацыяў: напрыклад, мастоўскай і луньненскай суполак Таварыства беларускай мовы і мясцовай арганізацыі БНФ, якія не прайшлі рэгістрацыі.

Згодна з рэдакцыйным пасьведчаньнем, “Тэлескоп” можа распаўсюджвацца па ўсёй Гарадзенскай вобласьці, мае наклад адну тысячу асобнікаў. Газэта за паўгоду прыдбала больш за шэсьцьсот падпісчыкаў. Нумар, які своечасова не надрукавалі, быў трыццаты.
Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG