Як паведаміў нашаму радыё каардынатар руху “Зубр” па Менскай вобласьці Зьміцер Бародка, тут ляжаць ахвяры трох хваляў бальшавіцкіх рэпрэсіяў – 1919, 1923 і 1933 гадоў.
Асабліва жудаснае злачынства супраць мясцовых жыхароў было ўчыненае тут ў 1933 годзе – яно ўвайшло ў беларускую гісторыю як падаўленьне Барысаўскага галоднага бунту.
Удзельнікі акцыі ў Барысаве спадзяюцца, што ўсталяваны імі крыж ня станецца ахвярай вандалаў, якія ў апошнія гады ўжо тройчы зьнішчалі тут знакі памяці пра бальшавіцкіх ахвяраў. Барысаўскія “зубры” мяркуюць, што гэтыя вандалы дзейнічалі, паводле ўказаньня мясцовых уладаў.
