Падчсас цырымоніі кіраўнік дзяржавы заявіў, што праваслаўная вера – адзін з падмуркаў адзінства брацкіх народаў – беларускага і расейскага. “Мяркую, што і Ўкраіна недалёкая ад гэтага” – дадаў Лукашэнка.
Паводле Лукашэнкі, царква сталася для яго крыніцай прыняцьця правільных рашэньняў на дзяржаўным ўзроўні.
У сваім слове ў адказ уладыка Філарэт паабяцаў і ў будучыні накіроўваць высілкі на службу Беларусі і саюзу Расеі і Беларусі.
У цырымоніі ўзяў удзел асабісты прадстаўнік патрыярха ўсяе Русі Алексія ІІ айцец Сергій. Зьвяртаючыся да ўладыкі Філарэта, ён сказаў: “Дай Бог, каб Вы былі апірышчам такому выбітнаму прэзыдэнту як Аляксандар Рыгоравіч Лукашэнка”.
Прадстаўнік патрыярха ўсяе Русі заявіў, што прэзыдэнт Беларусі “зьяўляеца ня толькі гарантам Канстытуцыі, але і гарантам духоўнага адраджэньня Беларусі”. “Партыярх Алексій высока ацэньвае Ваш унёсак у гэтую высакародную справу” – дадаў айцец Сергій, зьвяртаючыся да прэзыдэнта Беларусі.
