Дэпутат патрабуе вярнуць яму заробак, утрыманы сакратарыятам Палаты прадстаўнікоў Нацыянальнага сходу нібыта за прагул трох дзён. Гэтак чыноўнікі сакратарыяту ацанілі працу Сяргея Скрабца на канфэрэнцыі ў Ротэрдаме, якую наладзіла Парлямэнцкая Асамблея АБСЭ сёлета з 7 па 9 ліпеня.
Сёньня ў судзе Сяргей Скрабец тлумачыў, што ўдзел у гэтай канфэрэнцыі быў часткай ягонай працы ў справе ўдасканаленьня беларускага заканадаўства, якое мусіць адпавядаць стандартам АБСЭ. Між тым, у сакратарыяце беларускага парлямэнту сьцьвярджаюць, што Сяргей Скрабец парушыў працоўнае законадаўства, бо зьехаў у Ратэрдам, не аформіўшы адпаведным чынам камандзіроўкі.
“Спрэчка яскрава дэманструе, што беларускі парлямэнтар фактычна бяспраўны, бо без дазволу начальства нават ня можа выправіцца за мяжу па дэпутацкіх справах”, — камэнтуе свой канфлікт з Палатай прадстаўнікоў дэпутат Сяргей Скрабец.