Лінкі ўнівэрсальнага доступу

ЦЫТАТЫ МІНУЛАГА – 23 ВЕРАСЬНЯ


Падрыхтаваў Зьміцер Падбярэскі

“Чырвоная змены”, 1933 год. Рэдакцыйны артыкул “Работаць поўных 420 хвілін”:

“У нашай краіне будуючагася соцыялізма існуе самы кароткі рабочы дзень — 7 гадзін. Мы гэтага дабіліся дзякуючы таму што краіна дасягнула вялізных посьпехаў на фронце соцыялістычнага будаўніцтва, на фронце палепшаньня і павышэньня матар’яльнага дабрабыта рабочага кляса. Задача камсамольцаў мабілізаваць сваю камсамольскую энэргію, змагацца за тое, каб кожны рабочы, камсамолец працаваў у свайго станка, машыны поўных 420 хвілін”.

“Звязда”, 1993 год:

“Учора прэм’ер Вячаслаў Кебіч сустрэўся зь непасрэднымі ўдзельнікамі апэрацыі па зьнішчэньню гаўляйтэра Беларусі Кубэ Аленай Мазанік і Марыяй Восіпавай. Старшыня Савету Міністраў прынёс на гэтую сустрэчу кнігу Ю.Туронка “Беларусь пад нямецкай акупацыяй”, у якой Кубэ паказваецца прыхільнікам нацыянальнага разьвіцьця беларусаў. “Я глыбока перакананы, што гэта быў кат, — заявіў прэм’ер, — і не разумею, як такая кніга магла прайсьці праз выдавецтва “Беларусь”. Марыя Восіпава паведаміла, што Кубэ зьбіраўся ў верасьні 1943 году пачаць апэрацыю па зьнішчэньню 2 мільёнаў беларусаў. А Алена Мазанік нядаўна атрымала ліст ад жонкі Кубэ са здымкам яго чатырох сыноў”.

“Советская Белоруссия”, 1993 год:

“Ад Прэзыдыюму Вярхоўнага Савету Рэспублікі Беларусь і Савету Міністраў Рэспублікі Беларусь”: “Прэзыдыюм Вярхоўнага Савету Рэспублікі Беларусь і Савет Міністраў Рэспублікі Беларусь з глыбокім жалем паведамляюць, што 20 верасьня 1993 году ў 21 гадзіну 10 хвілінаў у Горадні выстралам зь пісталету забіты народны дэпутат Рэспублікі Беларусь, старшыня Гарадзенскага абласнога Савету народны дэпутат Дзьмітры Канстанцінавіч Арцыменя”.
Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG