Лінкі ўнівэрсальнага доступу

БЕЛАРУСКІЯ ЎЛАДЫ ЗЬЛІКВІДАВАЛІ ЯШЧЭ АДНУ НАВУЧАЛЬНУЮ ЎСТАНОВУ


Любоў Лунёва, Менск

Рэктар інстытуту Зэлік Пінхасік толькі 17 верасьня даведаўся аб тым, што загадам міністра адукацыі Аляксандра Радзькова інстытут ліквідавалі яшчэ 2 верасьня. У загадзе не ўказалі прычыны закрыцьця ўстановы.

Інстытут адкрылі ў 1999 годзе. У ім вучыліся 475 студэнтаў на чатырох спэцыяльнасьцях — перакладчыкі, маркетолягі, дызайнэры і культуролягі. Ім чыталі курсы па габрэйскай гісторыі, філязофіі, а таксама іўрыту. Інстытут цалкам фінансаваўся габрэйскімі фондамі. Нават будынак, у якім месьціцца інстытут, адрамантавалі ў 1997 годзе за грошы габрэйскай дыяспары.

У гэтым навучальным годзе мусілі выдаць першыя дыплёмы. Плянавалася, што выпускнікі інстытуту атрымаюць і дыплёмы Ерусалімскага ўнівэрсытэту.

Рэктар інстытуту Зэлік Пінхасік лічыць ліквідацыю інстытуту незаконнай, бо згодна з заканадаўствам дзейнасьць гуманітарнага інстытуту маглі спыніць толькі паводле рашэньня Вучонай Рады Белдзяржунівэрсытэту.

Ніхто ня ведаў пра загад міністэрства. Заняткі праходзілі ў звычайным рэжыме. У гэты момант рэктар БДУ Аляксандар Казулін, намесьнік міністра адукацыі Аляксандар Жук і рэктар міжнароднага інстытуту праводзяць нараду.
Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG