У прадмове да зборніку Ігар Райхельсон зазначыў, што думка пра стварэньне падобнага выданьня зьявілася яшчэ на пачатку 90-х гадоў, калі ў Віцебску пачалі праводзіцца першыя афіцыйныя шагалаўскія імпрэзы. Аднак вакол яго меркавалася згуртаваць ня толькі віцебскіх дасьледчыкаў, але і прыхільнікаў творчасьці знакамітага земляка з розных краінаў сьвету.
Цяпер можна лічыць, што гэтыя пляны ажыцьцявіліся: у першым нумары "Шагалаўскага міжнароднага штогадовіка" зьмешчаныя артыкулы прафэсійных навукоўцаў, а таксама дасьледчыкаў-аматараў зь Беларусі, Нямеччыны, ЗША, Ізраіля ды Расеі.
