Гэта здарылася яшчэ раніцай у суботу, 6-га верасьня, і ніводзін чалавек у школе не пацікавіўся, чаму калегаў так доўга няма. Целы загінулых былі знойдзены толькі на другі дзень. Паводле вэрсіі супрацоўнікаў міліцыі ды пажарнае службы, дырэктар і дворнік атруціліся чадным газам. Адмыслоўцы таксама выказваюць меркаваньне, што самай верагоднай прычынай пажару быў падпал.
Уласную вэрсію прычынаў трагедыі высоўваюць настаўнікі школы №16: маўляў, разьмяшчэньне будматэрыялаў у бомбасховішчы ёсьць відавочным парушэньнем правілаў супрацьпажарнае бясьпекі, і таму, каб пазьбегнуць службовага спагнаньня, дырэктар ня стаў выклікаць супрацоўнікаў МНС і наважыўся ліквідаваць пажар самастойна, што каштавала яму жыцьця.
