На сёньняшні дзень перадаплаты IREX за гэтую паслугу хопіць яшчэ на тры месяцы, пасьля чаго, паводле словаў дырэктара Аляксандра Сёмкіна, бясплатнага карыстаньня кампутарным абсталяваньнем абласная бібліятэка прадастаўляць ня зможа.
Разам зь бясплатнымі інтэрнэт-паслугамі ў Віцебску будзе скасаваны й шэраг адукацыйных праграмаў для моладзі. Прынамсі, сказаў спадар Сёмкін, гэтак адбудзецца, калі на Беларусі найбліжэйшым часам ня знойдзецца іншага партнэра кшталту IREX. У супрацьлеглым выпадку пад пагрозаю закрыцьця неўзабаве апынуцца й астатнія падобныя інтэрнэт-цэнтры, адчыненыя з дапамогаю IREX у іншых беларускіх гарадох.
