Эўрапейскі Зьвяз – адзначаецца ў заяве – вымушаны ў сувязі зь нядаўнім разьвіцьцём падзеяў выказаць расчараваньне прыгаданымі абмежаваньнямі й адзначыць, што свабода прэсы й выказваньня зьяўляюцца асноўнымі элемэнтамі для краіны, якая б хацела заняць належнае месца сярод эўрапейскіх нацыяў.
Эўразьвяз заклікае Беларусь прыняць закон аб мэдыях, які б быў станоўча ацэнены экспэртамі АБСЭ і Рады Эўропы, неадкладна пераглядзець рашэньне аб часовым закрыцьці выданьняў “Белорусской деловой газеты” і “БДГ. Для служебного пользования”, а таксама ўстрымацца ад далейшага перасьледу незалежных мэдыяў і журналістаў.
Дарэчы, у той дзень, калі была прынятая гэтая заява Эўразьвязу, Вышэйшы гаспадарчы суд Беларусі адхіліў пазоў аб прызнаньні несапраўдным загаду міністра інфармацыі аб прыпыненьні выхаду “Белорусской деловой газеты”.
