Надрукаваны ў Смаленскай дзяржаўнай друкарні супольны нумар “Предпринимательской газеты” і “БДГ” затрыманы неўзабаве пасьля перасячэньня мяжы Расеі зь Беларусьсю. Машыну з усім накладам спынілі міліцыянты, паведаміла галоўная рэдактарка “БДГ” Сьвятлана Калінкіна.
(Калінкіна: ) “Яны сказалі, што машына з накладам затрыманая, і цяпер яе павезьлі ў Дубровенскі РАУС, каб разьбірацца з дакумэнтамі нейкімі”.
(Карэспандэнт: ) “А за што затрыманая — невядома?”
(Калінкіна: ) “Нічога не казалі”.
Тым часам намесьнік начальніка Дубровенскага райаддзелу міліцыі Валянцін Гаравенка на пытаньне, хто й навошта затрымаў наклад газэты, адказаў гэтак:
(Гаравенка: ) “Ну, я пакуль ня ў курсе. Нічога не магу адказаць — нічога ня ведаю”.
