Юры Хадыка — адзіны палітычны вязень. Усе, каму даводзілася сядзець у камэры з алькаголікамі, скардзіліся на тое, што ня мелі магчымасьці нармальна спаць. Па начах у іх даволі часта бываюць прыпадкі “белай гарачкі”. Супрацоўнікі міліцыі вельмі неахвотна выклікаюць хуткую дапамогу.
Летась начальнік спэцпрыёмніка Алег Палутаў даволі дружалюбна паставіўся да арыштаванага прафэсара. Юрыя Хадыку выводзілі на шпацыр, і ў камэры акрамя яго было толькі чатыры чалавекі. Сваякі прафэсара спадзяюцца, што і гэтым разам да яго паставяцца больш мякка.
