БЕЛАРУСЬ РАЗГЛЯДАЕ МАГЧЫМАЕ ПЕРАСОЎВАНЬНЕ АМЭРЫКАНСКІХ ВАЕННЫХ БАЗАЎ У ПОЛЬШЧУ ЯК “ПАГРОЗУ НАЦЫЯНАЛЬНАЙ БЯСЬПЕЦЫ”

“Мы будзем вымушаныя паставіць пад жорсткі кантроль і цікавіцца ўсім, што адбываецца на тэрыторыі Польшчы”, -- сказаў Лукашэнка. Пры гэтым ён дадаў, што “калі сытуацыя будзе разьвівацца ў найгоршым для Беларусі кірунку і будзе стварацца пагроза, гэтыя кропкі будуць узятыя ня толькі пад кантроль, але і пад прыцэл”. Паводле Лукашэнкі, у гэтай праблеме Беларусь мае намер супрацоўнічаць з Расеяй. Ён прызнаў наяўнасьць праблем у саюзных адносінах з Масквой, але дадаў: “ніякага павароту сьпінай да Расеі ні ў палітыцы, ні ў дыпляматыі, ні ў эканоміцы не было”... “Расея як падтрымлівала нашыя Ўзброеныя сілы, нават матэрыяльна, гэтак і падтрымлівае”, – заявіў кіраўнік Беларусі.