Такое рашэньне прынятае са згоды ўсіх сяброў дэпутацкай групы, уключна з Валерыем Фраловым. Мяркуецца, што кожныя тры месяцы ў групе будзе ратацыя кіраўніцтва. Такім чынам, на думку сяброў “Рэспублікі”, арганізуецца своеасаблівы конкурс — кожны зможа практычна паказаць свае здольнасьці лідэра.
Пасьля таго, як да групы “Рэспубліка” далучыліся Ігар Баслык і Іван Пашкевіч, у ёй стала 11 сяброў. Згодна з рэглямэнтам Палаты, мінімальная колькасьць дэпутатаў, неабходная для захаваньня групы — 10 асобаў.
