Лінкі ўнівэрсальнага доступу

КАЛГАСЬНІКІ НА ЛУНІНЕЧЧЫНЕ НЯ ХОЧУЦЬ ПРАЦАВАЦЬ ЗАДАРМА


Алег Супрунюк, Берасьцейская вобласьць

Калгас “Гiгант” — ня самы бедны ў Лунiнецкiм раёне. Падчас жнiва некаторыя камбайнэры пасьпелi зарабiць да паўтысячы даляраў. Але з надыходам зiмы сур’ёзныя фiнансавыя праблемы напаткалi й гэтую гаспадарку. Тым, хто працуе на фэрмах, абвесьцiлi, што заробак за лiстапад будзе складаць каля пяцi тысяч рублёў. Калгасныя спэцыялiсты атрымаюць крыху больш грошай.

Гэтая навiна абурыла калгасьнiкаў, i жывёлаводы адмовiлiся icьцi на фэрмы. Кiраўнiцтва гаспадаркi правяло адмысловы сход, на якiм паабяцала перагледзець памеры заробку, з умовай што людзi адновяць працу. Распавядае цялятнiца Яўгенiя Багданец:

(Багданец: ) “Сказалi, што будзе малы заробак, i людзi пачалi таксама крычаць, але пасьля неяк уладкавалася. Робяць зараз. А як будзе i што будзе — хто яго ведае. Цi так i будзе, цi лепей. Робiм, а што будзе, ня ведаем”.

Сёньня фэрмы працуюць у звычайным рэжыме, а калгасьнiкi пачалi атрымліваць заробак — замест пяцi тысяч iм сплацiлi па дванаццаць. Людзi ўсё роўна лiчаць cябе падманутымi, але пакуль ня ведаюць, як запатрабаваць больш грошай за сваю працу.
Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG