Лінкі ўнівэрсальнага доступу

ЦІ РЫХТУЮЦЦА НА ГАРАДЗЕНШЧЫНЕ ПЕРАЙСЬЦІ ПОЛЬСКУЮ МЯЖУ ТЫСЯЧЫ АФРААЗІЯТАЎ?


Сяргей Астраўцоў, Горадня

У Лідзе разьмяшчаецца і памежны атрад, які ахоўвае мяжу зь Літвой. Як сьцьвярджае інфармаваная крыніца, парушальнікаў памежнікі па-ранейшаму ўтрымліваюць ў сябе да моманту дэпартацыі. Тэарэтычна часова разьмесьціць на тэрыторыі вобласьці тысячы ўцекачоў — справа цалкам рэальная, бо засталося нямала пакінутых вайсковых гарадкоў, з казармамі ды іншымі пабудовамі. Нярэдка яны знаходзяцца ў лясной мясцовасьці.

Значна часьцей уцекачы імкнуцца перайсьці менавіта літоўскую мяжу, а ня польскую, якая ахоўваецца, як і ў савецкі час. Такія групы памежнікі затрымліваюць даволі рэгулярна. Часьцей за ўсё яны невялікія, налічваюць ад 7 да 20 чалавек.

Паводле інфармаванай крыніцы, польскую мяжу фактычна ахоўваюць беларускія памежнікі. З польскага боку ахова слабейшая. А пропуск празь мяжу дзясяткаў тысяч уцекачоў выглядае непраўдападобна. Маўляў, цяперашні скандал камусьці выгадны менавіта ў Польшчы. А між тым, уцекачы без праблемаў трапляюць у Польшчу празь мяжу зь Літвой.

На Інтэрнэт-форуме часопісу “Wprost” сёньня можна ўбачыць розныя меркаваньні: адныя прапануюць пабудаваць на ўсходняй мяжы 6-мэтровы мур і зрабіць міннае поле шырынёй 50 мэтраў, другія лічаць, што самы час патрабаваць ад Эўразьвязу больш грошай на ўмацаваньне мяжы зь Беларусьсю.
Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG