Актывісты КХП БНФ трымалі бел-чырвона-белыя сьцягі й сьцягі Чачэнскай рэспублікі, раздавалі мінакам улёткі і выданьне “Беларускія ведамасьці”.
Нягледзячы на тое, што пікет быў санкцыянаваны ўладамі, на ягоных арганізатараў Лявона Вабішэвіча і Ігара Саракавіка мясцовыя міліцыянты склалі пратаколы “за парушэньне месца правядзеньня пікету”. “Віна” пікетоўцаў палягае ў тым, што яны знаходзіліся нібыта на некалькі мэтраў убаку ад вызначанага месца. Суд на Вабішэвічам і Саракавіком адбудзецца 3 сьнежня.