Лінкі ўнівэрсальнага доступу

ШЭВАРДНАДЗЭ ЗРОБІЦЬ АФІЦЫЙНУЮ ЗАЯВУ ПРА ЖАДАНЬНЕ ГРУЗІІ СТАЦЬ СЯБРАМ НАТО


Юры Дракахруст, Прага

Грузінскі кіраўнік паведаміў, што заўтра падчас свайго выступу на паседжаньні Рады атлянтычнага партнэрства ён афіцыйна абвесьціць пра намер Грузіі ўступіць у НАТО.

(Шэварднадзэ: ) “Я паведамлю вам маленькі сакрэт. Заўтра ў сваёй прамове я зраблю афіцыйную заяву пра жаданьне Грузіі стаць сябрам НАТО. Мы разумеем, і я буду казаць пра гэта, што гэта ня можа адбыцца на працягу году ці двух. Гэта патрабуе больш працяглага часу. Мы заяўляем нашае жаданьне ўступіць у альянс і разам з тым дэманструем разуменьне, што Грузія войдзе ў НАТО толькі тады, калі будзе цалкам падрыхтаваная. Сяброўства ў НАТО азначае для Грузіі бясьпеку, гарантыі бясьпекі. У нашай гісторыі мы мелі шмат праблемаў, і я мяркую, што ўступленьне ў НАТО будзе для нас адзіным правільным рашэньнем.

Калі Грузія толькі мае намер, так бы мовіць, устаць у чаргу ў НАТО, то шэраг краінаў ужо зараз ёсьць кандыдатамі ў наступную хвалю пашырэньня.

На адмысловым круглым стале Радыё Свабода/Свабодная Эўропа, прысьвечанам пэрспэктывам далейшага пашырэньня Паўночнаатлянтычнага альянсу, выступілі сёньня прэзыдэнты краінаў-кандыдатаў, якія чакаюць запрашэньня ў НАТО праз два гады: Альбаніі - Альфрэд Мойшыу, Харватыі – Сьціпэ Мэсіч і Македоніі – Барыс Трайкоўскі.

Латвія – адна з сямі краінаў, якія сёньня атрымалі запрашэньне ўступіць у НАТО. Пра тое, што азначае гэта для Латвіі і што Латвія азначае для НАТО, распавяла журналістам прэзыдэнт гэтай краіны Вайра Віке-Фрэйбэрга.

Сваімі поглядамі на ролю НАТО ў сьвеце пасьля халоднай вайны дзяліліся з супрацоўнікамі Радыё Свабода/Свабодная Эўропа былы міністар замежных справаў Польшчы Браніслаў Герэмэк і дзейны кіраўнік МЗС Румыніі Мірча Джаана.
Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG