Лінкі ўнівэрсальнага доступу

ЦІ АЗНАЧАЮЦЬ СЁНЬНЯШНІЯ СЛОВЫ ЛУКАШЭНКІ НОВЫ ЭТАП У АДНОСІНАХ З РАСЕЯЙ?


Сяргей Навумчык, Прага

Магчыма, цяпер Лукашэнка прыгадвае Ўладзімера Заблоцкага, прэм’ер-міністра ценевага кабінэту БНФ ў Вярхоўным Савеце 12-ага скліканьня, які даказваў, што станоўчы балянс Беларусі ва усім пакеце ўзаемаразьлікаў з Расеяй, уключна транзыт, можа складаць да 2 мільярдаў даляраў штогод.

У 1996 годзе Лукашэнка ўжо заяўляў, што існаваньне адных толькі расейскіх вайсковых абектаў у Ганцавічах і Вілейцы можа каштаваць да 10 мільярдаў даляраў. Некаторыя адмыслоўцы перакананыя, што гэта – рэальныя лічбы. Але замест падпісаць адпаведныя дамовы, Лукашэнка спадзяваўся на “славянскае братэрства” і скарыстоўваў лёзунг як трамплін у Крэмль. Аднак у тых законах, паводле якіх цяпер пачынае жыць Расея, лёзунгі важаць усё меней.

Ці азначаюць сёняшнія словы Лукашэнкі новы этап у адносінах з Расеяй? Для Беларусі зьмена зьнешняга курсу – што да Ўсходу, што да Захаду – вымагае найперш унутраных рэформаў. Беларусь, паводле яе патэнцыялу, рэальна магла б перайсьці на рынкавую сыстэму разьлікаў. Але гэта адразу ж запатрабуе і зьмены ўсёй унутранай эканамічнай палітыкі паводле рынкавай мадэлі. А значыць – усё большай прыватнай ініцыятывы, усё больш свабоды і – усё меншага дзяржаўнага кантролю. Гэтыя зьмены надзвычай небясьпечныя для мадэлі “рынкавага сацыялізму”, на якой трымаецца ўлада Лукашэнкі.
Ігар Лосік Кацярына Андрэева Дар'я Чульцова Марына Золатава Ягор Марціновіч
XS
SM
MD
LG