Паводле кіраўніка прадстаўніцтва ААН у Беларусі Ніла Бунэ, ААН і яе агенцтвы "імкнуцца наблізіць сьвет да Беларусі і Беларусь да сьвету і дапамагчы беларусам самім вызначыцца, як працаваць, вырашаць надзённыя праблемы і паляпшаць узровень жыцьця ў краіне". У ліку найбольш пасьпяховых праектаў ААН у Беларусі Ніл Бунэ адзначыў дапамогу ў разьвіцьці малога бізнэсу, моладзевыя праекты, разьвіцьцё сеткі Інтэрнэту, дапамогу ў ахове навакольнага асяродзьдзя і вырашэньня постчарнобыльскіх праблемаў.
На сёньня ў Беларусі рэалізуецца 19 праектаў праграмы разьвіцьця ААН. На мінулым тыдні быў зацьверджаны яшчэ адзін – дапамогі на праграму энэргетычнай эфэктыўнасьці памерам 3,1 мільёна даляраў.
