Сёньня Менскі гарадзкі суд пацьвердзіў ранейшае рашэньне й гэтым паставіў канчатковую кропку ў справе закрыцьця незалежнага выданьня.
Галоўны рэдактар “Нашай свабоды” Павал Жук паведаміў, што ня будзе зьвяртацца ў вышэйшыя судовыя інстанцыі, але паспрабуе адкрыць новую газэту, назва якой пакуль трымаецца ў сакрэце. Паводле яго, магчыма, што новае выданьне зьявіцца ўжо ў кастрычніку.
