Лінкі ўнівэрсальнага доступу

У БАРАНАВІЧАХ АДБЫЎСЯ ПІКЕТ У ПАДТРЫМКУ ЖУРНАЛІСТАЎ ГАЗЭТЫ “ПАГОНЯ” МІКОЛЫ МАРКЕВІЧА ДЫ ПАЎЛА МАЖЭЙКІ


Алесь Горбач, Баранавічы

Паводле Алеся Грыцаўца, удзельнікі сёньняшняга пікету такім чынам хацелі выказаць свой пратэст супраць несправядлівага прысуду гарадзенскім журналістам, а таксама прадэманстраваць сваю салідарнасьць зь Міколам Маркевічам ды Паўлам Мажэйкам.

“Спыніць перасьлед незалежнай прэсы!”, “Свабоду Маркевічу і Мажэйку!” – такія патрабаваньні былі на плякатах, выстаўленых у парку імя 30-годзьдзя камсамолу.

Падчас пікету ішоў збор подпісаў пад зваротам да старшыні Гарадзенскага абласнога суду. У гэтым звароце гучыць просьба “пры разглядзе касацыйнай скаргі асуджаных журналістаў прыняць рашэньне, адпавядаючае беларускаму заканадаўству, міжнародным дамовам і здароваму сэнсу людзей, што жывуць у ХХІ стагодзьдзі”.

Міліцыянты, што несьлі дзяжурства ў парку, толькі перапісалі зьмест лёзунгаў і больш не падыходзілі да ўдзельнікаў пікету. Людзі рэагавалі на акцыю ў большасьці станоўча: падыходзілі бліжэй, цікавіліся, некаторыя падпісваліся пад вышэйзгаданым зваротам.

На пікеце таксама былі лёзунгі, што нагадвалі пра чарговую гадавіну прыняцьця Дэклярацыі аб дзяржаўным сувэрэнітэце Беларусі.
Ігар Лосік Кацярына Андрэева Дар'я Чульцова Марына Золатава Ягор Марціновіч
XS
SM
MD
LG