У звароце на імя Аляксандра Лукашэнкі прэс-клюб Амэрыкі, непартыйная арганізацыя, якая больш як 60 гадоў абараняе правы журналістаў ва ўсім сьвеце, заклікае прэзыдэнта Беларусі “адмовіцца ад палітыкі выкарыстаньня крымінальнага заканадаўства з мэтай падаўленьня крытыкі ўраду”.
Прэс-клюб заклікае беларускага кіраўніка зрабіць усе неабходныя крокі дзеля забесьпячэньня свабоды прэсы ў Беларусі, наданьня журналістам магчымасьці выконваць сваю працу безь перасьледу альбо якога-небудзь ўмяшальніцтва.
