“ДЗЕЙНАСЬЦЬ АДМІНІСТРАЦЫІ ЛУКАШЭНКІ НЕ АДПАВЯДАЕ СПАДЗЯВАНЬНЯМ МІЖНАРОДНАЙ СУПОЛЬНАСЬЦІ”

(Гоер: ) “Рэзалюцыя адносна простая і адносна кароткая. Яна ў канкрэтных тэрмінах акрэсьлівае тыя недахопы, якія назіраюцца ў Беларусі. Беларусь, нагадаю, падпісала Гельсынскія пагадненьні, аднак у суботу адмовілася даць нацыянальнаму сходу месца ў Асамблеі. Гэта таму, што Парлямэнцкая Асамблея лічыць, што Беларусь парушае прынцыпы Гельсынскага пагадненьня. Гэта адзіная краіна-ўдзельніца АБСЭ, якой не знайшлося месца ў Парлямэнцкай Асамблеі. Гэта сьведчыць аб тым, што большасьць сяброў Парлямэнцкай Асамблеі лічаць, што дзейнасьць адміністрацыі Лукашэнкі не адпавядае спадзяваньням міжнароднай супольнасьці наконт выкананьня ёю Гельсынскіх дамоваў”.