Лінкі ўнівэрсальнага доступу

СЯБРЫ МОЛАДЗЕВЫХ СУПОЛАК УПАРАДКАВАЛІ НАВАПОЛАЦКІ ПАРК


Вінцэсь Мудроў, Наваполацак

У трыццаціградусную сьпёку хлопцы і дзяўчаты касілі траву, высякалі хмызы, фарбавалі лаўкі, а таксама ўласнаручна змайстравалі гушкалку для самых малых наведнікаў парку. Чаму акцыя ладзілася менавіта ў парку? На гэтае пытаньне адказаў адзін зь яе ўдзельнікаў, прадстаўнік цэнтру “Сварог” Сяржук Балай.

(Балай: ) “Чаму мы зьвярнулі ўвагу на парк? Менавіта таму, што гэта адна з тых мясьцін у горадзе, якая знаходзіцца ў занядбаным стане. Акрамя танцаў, на якія прыходзіць моладзь, якая потым той парк забруджвае, там фактычна нічога болей не адбываецца. А між тым у парку ёсьць некалькі занядбаных дзіцячых гульнявых пляцовак. Вось таму сябры моладзевых суполак і вырашылі ў рамках кампаніі “Зробім лепш” адну з тых пляцовак аднавіць: пафарбаваць, выкасіць траву, усталяваць арэлі”.

Па словах Сержука Балая гэтая акцыя не апошняя. Блізкім часам моладзь ізноў выйдзе на добраўпарадкаваньне роднага гораду.
Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG